نارنج کی مانند ایک خوبصورت درخت کی جڑ ہے جو ہلدی کی مانند لیکن اس سے بڑی ہوتی ہے۔ یہ پودا برسات کے آخری نصف حصہ میں پھلا کرتاہے۔ شیریں پھول مہتاب کے سے لگتے ہیں۔ اس کی تازہ جڑ توڑنے پر آم کی کیری جیسی خوشبو دیتی ہے اسلئے اسے انبہ ہلدی کے نام سے منسوب کیاگیا ہے۔ 

: افعال واستعمال

 محلل اورام ومواد ہے۔

   پھوڑے پھنسیوں اور چوٹ کے لئے بطور ضماد مستعمل ہے۔

   اسے انڈے  کی سفیدی میں ملا کر لیپ کرتے ہیں۔ 

  اس کا منجن منہ کا ذائقہ درست رکھتا ہے۔

 اس کا اُبٹن چہرے کی رنگن صاف کرتاہے۔

   زخموں کو جلد اچھا کرتی ہے اور بھر لاتی ہے۔

   نفخ،درد شکم،کھانسی اور بلغمی تپ کیلئے مفیدہے۔

   درد شکم میں انبہ ہلدی اور نمک سیاہ کا سفوف اور خشک کھانسی میں انبہ ہلدی اور نمک خوردنی کو سفوف کرکے کھلاتے ہیں۔

  : مزاج 

 گرم خشک درجہ دوم

: مقامِ پیدائش

بنگال،بمبئی اور مغربی گھاٹ کے پہاڑوں پر پائی جاتی ہے۔ 

: ذائقہ

 تلخ خوشبودار 

: رنگ

چھال زرد سرخی مائل،بیج سفید،جڑزرد۔

    : مقدارخوراک

 دوگرام سے تین گرام تک