Emblic Myroblan  مختلف نام: (فارسی) آملہ۔ (عربی)آملج۔ ہندی،گجراتی: آنبلا۔ (سنسکرت)امرت پھل،شری پھل، کول پھل۔ آملک۔ (سندھی)آنورا۔ (بنگالی)آملکی ۔(نگریزی)

پہاڑی آملے چھوٹے چھوٹے ہوتے ہیں جن کا وزن اوسطاً۶گرام ہوتاہے اور پیوندی  بڑے بڑے پانچ چھ تولہ کے۔ بنارس اوربریلی کے پیوندی آملے زیادہ مشہور ہیں۔ دودھ میں بھگو کرخشک کئے ہوئے آملہ کو شیر آملہ کہتے ہیں۔ اس میں گیلک ایسڈ کی کافی مقدار پائی جاتی ہے۔ خشک آملے پر جھریاں پڑی ہوئی ہوتی ہیں

 : افعال واستعمال

 قابض ہے۔

   مفرح اور دستوں کو روکتا ہے۔

   سبز حالت میںمدراور ملین(پیٹ کو نرم کرنے والی) تاثیر رکھتا ہے۔

  تقویت بصارت کے لئے  اس کا سالن یا بھجیاپکا کر کھاتے ہیں۔

   مسکن صفراء (صفراء  کو تسکین دینے والی) و خون ہے۔

   قے اور پیاس کو تسکین دیتاہے۔ 

  بواسیر اور نکسیر کو خون کوروکتاہے۔

  بھوک بڑھاتا ہے،بالوں کو طاقت دینے اور ان کی سیاہی قائم رکھنے کیلئے اس کے جوشاندہ سے بالوں کو دھوتے ہیں۔

   اس کا مربہ اور اچاربھی بنایا جاتاہے جو خفقان،ضعف دماغ اورضعف معدہ کو دور کرنے کیلئے مفیدہے۔

   طب یونانی میں جوارش آملہ اس کا مشہور مرکب ہے۔

   اس کے درخت کی چھال بھی قابض(سکیڑنے والی، بند کرنے والی) ہے۔  چمڑہ رنگنے میں مستعمل ہے۔

  : مزاج

خشک درجہ دوم،سرددرجہ اول۔

 : مقامِ پیدائش

پاک وہند کے گرم تر علاقوں میں جاتا ہے۔ ا س کی بہترین قسم آملہ بنارسی کہلاتی ہے۔

: ذائقہ

ترش اورقابض

: رنگ

تازہ بھورازردی مائل،خشک سیاہی مائل نیلگوں