Gingerنام: (عربی) زنجبیل رطب۔(گجراتی) ادو۔ (بنگالی) آوا۔ (سندھی) سنڈھ۔ (انگریزی) جِنجر

شقاقل کی مانند پتے لمبے اور باریک، پھول،پھل ندارد۔ تر حالت میں ادرک اور خشک حالت میں سونٹھ کہتے ہیں۔ اس میں ایک تا تین فیصد ہلکا زرد فراری تیل پایا جاتا ہے

مقامِ پیدائش: ہندوستان،مدراس،ٹراونکور،کوچین،مدناپور،سورت،تھانہ(بمبئی)، کمائوں (یوپی)،رنگ پور،پاکستان۔ ادرد برآمد کے لحاظ سے ہندوستان،چین سے دوسرے درجے پر ہے لیکن چند سالوں سے اس چیز کے کاروبارمیں جمیکا اور سیرالیون (افریقہ) کی تجارت بڑھ رہی ہے۔

: افعال واستعمال

ہاضم،کاسرریاح اور مقوی باہ ہے۔ اس کو اکثر امراض معدہ میں استعمال کرتے ہیں۔ قوت حافظہ بڑھاتی ہے۔ بلغمی مزاجوں کے لئے نہایت مفیدہے۔ مرض سنگرہنی میں سونٹھ کو گھی میں بریاں کرکے (سرخ ہوجائے لیکن جل نہ جائے) چھاچھ کے ہمراہ دن میں دوتین مرتبہ کھلانا فائدہ کرتاہے۔ جوارش زنجبیل اور معجون زنجبیل اس کے مشہور مرکبات ہیں۔ اس کا مربہ بھی بنایا جاتاہے نیز اس کو مقوی باہ معجونات میں شامل کرتے ہیں۔ خارجی طور پر سردی کے دردوں،فالج وغیرہ میں اس کو دیگر ادویہ کے ہمراہ کسی تیل میں جلا کر مالش کرتے ہیں۔ زنجبیل بریاں ایک تولہ،نمک طعام تین گرام ملا ملا کر دانتوں پر ملنے سے دانتوں کی ترشی رفع ہو جاتی ہے۔   (غیر سمی)

ذائقہ: تیز چرپرا اورتلخ       رنگ: بھورااور سفید       بو:تیز    مصلح: روغن بادام۔ شہد          بدل: دارفلفل    مزاج: گرم درجہ سوم خشک درجہ اوّل          مقدارخوراک: ایک سے دوگرام